Кăмăл çирĕплĕхĕ пуçа усма памасть
<p>Бадминтон. Пĕрре пăхсанах çăмăл вăйă тейĕн. Кăмăла çĕклекен, вăхăта усăллă ирттерме май паракан , çав самантрах сывлăха çирĕплетекен вăйă. Паллах, ура çинче çирĕп тăракан, чупма пултаракан çыншăн çакă çав тери ансат. Сывлăх енчен ытти çынсенчен уйрăлса тăракан спортсменăн вара çак вăййа выляс тесессĕн чунпа çирĕп пулмалла. Шăпах, чун çирĕплĕхĕпе уйрăлса тăракан Юрий Степанов парабандминтонист çак спорт вăййине хăйĕн пурнăçне халалланă темелле. Çурăм шăммине аматнă хыççăн ура çине тарайманнине ăнланса илсен вăл алă усма шутламан, ытти çынсем пекех ĕметленнĕ, тĕллевсене пурнăçа кĕртес шухăшпа çуннă. Паянхи кун вăл ăста спортсмен.</p>