Цæгат Ирыстоны цæуы Уæрæсейы чемпионат альпинизмæй

Цæгат Ирыстоны цæуы Уæрæсейы чемпионат альпинизмæй. Архайынц дзы нæ бæстæйы алы регионты минæвæрттæ. Альпинистты сæххæст кæнын хъæуы алыхуызон хæслæвæрдтæ. Ахæм ерыстæ ма Цæгат Ирыстоны арæзт уыдысты Советон рæстæг. Ныр та уавæртæ аивтой, трассæйы дæргъ у 380 метры. Чемпионат цæудзæн 13-æм маймæ. Уæлахиздзаутæ хорзæхгонд æрцæудзысты æхцайы премийæ. Ерысты иу бонæн æвдисæн уыд не сфæлдыстадон къорд дæр. Цæгат Ирыстоны дарддæр цæуы Уæрæсейы чемпионат альпинизмæй. Прокофьевтæ дзы архайынц æнæхъæн бинонтæй. Ссыдысты Красноярскæй. Зонгæ дæр баисты тренировкæты рæстæг, æмæ ныр 10 азы сты иумæ. Ацы ерысты сæйраг уæлахиз нæу, фæлæ дзы архайыны фадат кæй ис, уый. Альпинисттæ зæгъынц, ерыстæ цæуынц хæларзæрдæ æмæ цæстуарзонæй. Кæд æмæ дзы ныхас æхца рамбулыныл цæуы, уæддæр. Альпинисттæн ахсджиаг у боны ахаст. Дымгæ æмæ уаргæ бон зын у хохы цъуппмæ ссæуын. Кæд æмæ тренировкæтæ кæнынц æмæ сты фæлтæрдджын, уæддæр хуылыдз дуртыл альпинисты дзабыртæ кæнынц быргæ, дымгæ та сæ хъыгдары хæслæвæрдтæ сæххæст кæнын. Чемпионаты архайынмæ Цæгат Ирыстонмæ ссыдысты Уæрæсейы алы горæтты альпинисттæ. Иуæй иутæ дзы фыццаг хатт сты нæ республикæйы. Ратмир Мухаметдзянов ссыд Тюменæй. Цæуы йыл 24 азы, фæлæ ерысты йæхи куыд равдыста, уымæй дисы бафтыдта тæрхонгæнджыты æмæ архайджыты дæр. Уый та зæгъы, уа диссагæй дзы кæй ницы ис, æрмæстдæр æххæст кодта къæдзæхы бæрзæндмæ схизыны хуымæтæг хæс. Ратмиры командæ уыцы-иу рæстæг цыд цалдæр уаццаджы. Марафоны рæстæг 8 сахатмæ ацыдысты 8 маршруты, уый у 1 километрмæ хæстæг. Уыцы бон ма лæппутæ архайдтой хицæн ерысы - Связки. Фарон ахæм чемпионат уыд Мæхъæлы республикæйы, ацы аз та Цæгат Ирыстоны, Советон рæстæджы альпинисттæ цы бæрзæнд истой, уыцы къæдзæхтыл. Ам трассæтæ сты даргъдæр. Схизын сæ хъуы 380 метры фæндагыл.