Хоккеистсем те «ĕçпе хӳтĕлеве хатĕр»
.jpg)
<p>Хоккей – чăн-чăн арçын вăййи. Пушă вăхăт тупăнсанах шайба хăвалакансем пăр çине тăраççĕ. Выляççĕ те, «Ĕçпе хӳтĕлеве хатĕр» пулнине те кăтартаççĕ. Хальхинче «Шупашкар» хоккей клуб хастарĕсем йĕркесене пăхăнса хăйсен вăй-халне тĕрĕслерĕç. Нормативсене парăнтарма кукăр çапкăч тытакансем пурте килнĕ. Хоккей ушкăнпа вылямалли вăйă. Çавăнпа пăр çинчи пекех хастарсем кунта та пĕр-пĕрне пулăшса пычĕç. «Ĕçпе хӳтĕлеве хатĕр» йĕркисем пуриншĕн те пĕрех, никамшăн та çăмăллăх çук. Инçерех сикмелле, хытăрах ишмелле, пиçĕлĕх, кĕлеткене çĕклемелле. Кашни хăй ӳсĕмне кура хăнăхтарусем тăвать. Çапах та малтан çан-çурăма çемçетмелле. Раштав уйăхĕн 11-мĕшĕнче «Шупашкар» хоккей клубĕн пĕрремĕш вăйă. Кашни хоккеист унта тĕплĕн хатĕрленет. Нормативсене парăнтарни те çакăнта кĕрет темелле. Хастарсем пăр çинчен тӳрех кунта килнĕ, хул-çурăм хĕрӳ вĕсен. Спорт разрячĕ пулни хоккеистсене тӳрех «Ĕçпе хӳтĕлеве хатĕрĕн» ылтăн паллине илме май парать. Хоккеистсем спортзалран тӳрех бассейна çул тытрĕç. Унта хăвăрт ишнине тĕрĕслерĕç. Çитес шăматкун пирĕн паттăрсем пăр çине тухĕç. Чăваш Ене кӳршĕри Тутар Республикинчи хоккеистсем килĕç. Алексей Зотиков, Татьяна Молокова, Георгий Кривошеин</p>